Innri markaðir Evrusvæðisins eru ónýtir

Hagvöxtur í Þýskalandi reiknast 9% á árs grundvelli, en ekki er allt sem sýnist.  Mikill mælanlegur hagvöxtur á rætur sínar að rekja til lágra launa innan Þýskalands, lélegrar innlendrar eftirspurnar og ekki síst til gríðarlegs samdráttar sem varð á seinasta ári.  Wolfgang Munchau ritstjóri Financial Times segir innri markaði Evrusvæðisins ónýta, og að Evrópu stafi meiri hættu af þeim en skuldastöðu einstakra aðildarríkja.

Kínverska húsnæðisbólan er í þann vegin að springa

Fyrirætlanir Obama Bandaríkjaforseta um að gera Bandaríkin að framleiðsludrifnu útflutningsríki er að verða að engu.  Í Kína hefur myndast gríðarleg fasteignabóla sem er í þann vegin að springa, með ófyrirséðum afleiðingum fyrir áframhaldandi vöxt alþjóðaviðskipta.  Ben Simpfendorfer skrifar í dag grein á Bloomberg fréttaveituna þar sem hann nefnir fimm atriði sem hafa beri í huga þegar kínverskir hagvísar eru skoðaðir.  Ekki er allt sem sýnist.

Reinhart hjónin segja seðlabankastjóra heimsins of bjartsýna

Hagfræðingarnir Carmen og Vincent Reinhart telja ráðstefnu 40 seðlabankastjóra hvaðanæva úr heiminum hafa byggt á of mikilli bjartsýni.  Rannsóknir á efnahagsáföllum seinustu 75 ára leiða líkur að erfiðir tímar séu framundan næstu 10 árin eða lengur.  Stjórnmálamenn mega ekki byggja efnahagslega stefnumörkun sína á of mikilli bjartsýni.

Hvað kemur bandarískum efnahag til bjargar?

Bandaríski seðlabankinn er tilbúinn að prenta 1 billjón dala ef þörf krefur

Um 40 seðlabankastjórar hvaðaæva úr heiminum hittust í Wyoming í Bandaríkjunum til að stilla saman strengi sína.  Ben S. Bernanke seðlabankastjóri Bandaríkjanna sagðist tilbúinn til að beita óvenjulegum aðferðum til að viðhalda bata í bandaríska hagkerfinu, en hagrýnar reikna með að seðlabankinn komi til með að prenta því sem nemu 1 billjón dala á næstu misserum.  Hagfræðingar eru svartsýnir og bendir flest til nýrrar kreppu.  Hlutabréfavísitölur tóku samt við sér undir lok dags.

Sieglitz varar Evrópu við aðhaldsaðgerðum, en Kotlikoff varar Bandaríkin við auknum ríkishalla

Nobelsverðlaunahafinn Joseph Stieglitz segir líkur á annarri kreppu í Evrópu vegna strangra aðhaldsaðgerða ríkja Evrópusambandsins, en Laurence Kotlikoff hagfræðiprófessor við Bostonháskóla varar Bandaríkjamenn við sögulegri óðaverðbólgu vegna sívaxandi skuldbindinga bandaríska ríkisins.  Báðir telja hættu á nýrri kreppu.

Moody's telur hrun á fasteignamarkaði geta leitt til nýrrar kreppu í Bandaríkjunum

Samdráttur er hafinn á bandarískum fasteignamarkaði og telja hagfræðingar líkur á annarri kreppu ef fram heldur sem horfir.  Mikið atvinnuleysi, fjöldagjaldþrot heimila og lækkandi fasteignaverð skilar sér í minnkandi neyslu, lækkandi tekjum fyrirtækja og minni hagvexti. 7.3 milljón íbúða er komnar í eigu lánadrottna í Bandaríkjunum.

Verðbólga í Evrópu, verðhjöðnun í Bandaríkjunum

Nú þegar Vesturlönd standa andspænis öðrum samdrætti í heimsbúskapnum virðast eru viðbrögð stjórnmálamanna ólík sitt hvoru megin við Atlantshafið.  Verðbólga hækkar mikið í Evrópu, og stefnir þar í sögulegan niðurskurð í ríkisfjármálum.  Hins vegar er enn mikill niðurþrýsingur á verðbólgu í Bandaríkjunum, og bregðast yfirvöld við með enn meiri peningaprentun.

Samdráttarskeið er hafið í Japan

Samdráttarskeið er hafið í Japan og mun hagvöxtur þar í landi verða mjög berskjaldaður ef kemur til annarrar kreppu í stærstu hagkerfum heimsins.  Of sterkur gjaldmiðill, verðhjöðnun, miklar skuldir japanska ríkisins og lítil innlend eftirspurn bendir til lítils hagvaxtar og jafnvel samdráttar um langt árabil.  Kína og Þýskaland byggja á sama efnahagslíkani og þau ríki gætu hæglega hlotið sömu örlög ef þau bregðast ekki fljótt við til að efla innlenda eftirspurn.

Þjóðverjar eru berskjaldaðir fyrir eftirspurn skuldugra þjóða

Aukinn viðskiptahalli Bandaríkjanna og veiking evrunar hefur skilað sér í miklum hagvexti í Þýskalandi.  Hagkerfi Þjóðverja er samt sem áður mjög berskjaldað og viðkvæmt fyrir erlendri eftirspurn og hagvexti skuldugra þjóða.  Ef Bandaríkin stefna í annan samdrátt í efnahagslífinu, mun það koma mjög illa við Þýskaland og allt Evrusvæðið.